Jose Angel Agirrebengoa Napar Buru Batzarraren presidenteak adierazi duenez "UPN gezurretan dabil EAJ Nafarroako azpiegitura nagusiez arduratzen ez dela esaten duenean, izan ere, guk Pirinioetako Garapen Osoko Egitasmoaren alde eta inguru honetako herrialdeek bizi dituzten gabeziei irtenbidea aurkituko liokeen komunikazio bidearen alde egin genuen". Hala ere, Agirrebengoak EAJk duen Pirinioak zeharkatzen dituen autobidearen kontrako jarrera berriz gogoratu eta hiru gurpideetako bidearen alde egin du, Erro eta Mezquiriz portuak deuseztatu eta Ibañeta tunelen bidez zeharkatuko lituena.

Bestalde, Ipar Buru Batzarraren eta Baionako turismo zinegotzia den Aitor Arandiak adierazi duenez "Aquitaniak ekonomi eskumena dauka eta ez du sekula finantzaketaz hitz egin, gainera UPNk aurkeztu duen autobide egitasmoaren kontra dago". Finantzaketa arazoez gain, Arandiak "herritarrek erabilgarri izango duten edozein egitasmo, herritar horien bizi baldintzak hobetzera zuzendua egon beharko litzatekeela" adierazi du.