Barkosek, ostiralean Bianan eskaini zuen hiltzaldian, deialdia luzatu zien “orain arte Kongresuan inoiz ere izan ez den Nafarroa hori osatzen dugun guztioi”, “lanean hasi gaitezen, heldu diren foru eta udal hauteskundeei begira, zalantzarik gabe Nafarroa Bai koalizioaren funtsezko proiektua izanen dena garatze aldera”.

 

Hitzaldi horretan, Nafarroa Bai koalizioko diputatuak bi urteotan Kongresuan egindako lana azaldu zuen, laburki, ondoko gai hauek gogoraraziz: Medinaceli-Tutera autobia, Donejakue Bideko autobia, Itoizko urtegiaren segurtasuna, Iruñeko espetxearen egoera, genero-indarkeria ebazteko epaitegiak eta abar.

 

Hitzaldian izan zirenekin izandako mahainguruan, Barkosek Nafarroa Bai koalizioa osatzen duten alderdien esperientzia politikoa aipatu zuen, eta koalizio hori sortu zeneko espiritua baloratu zuen, zeren koalizio horretan “independenteak integratu baitziren, eta indar politiko hau oinarri-oinarrietatik haziz joan baita”. Ildo horri jarraiki, Barkosek adierazi zuen Nafarroa Bai gai dela oso “edonori aurre egiteko, ekimenak aurkezteko, politikagintza berria landu eta garatzeko eta egungo gehiengoak kolokan jartzea erdietsiko duen indarra izateko”. Horretarako, Barkosek azpimarratu zuenez, “oraintxe bertan ekin behar diogu lanari; Nafarroako herri guztietara iristeko modua aurkitu behar dugu, eta Nafarroa Bai koalizioak Nafarroako mapa politikoa aldarazteko duen gaitasuna erakutsi”.