ETAren su-etenaren ondoren sortutako egoera politikoa ikusita, Imazek EAJ-PNVren funtsezko ardatzak bildu eta alderdiaren ibilbide-orria den agiriaren gogoeta batzuk gogoratu ditu. Horrela, bidezko bakearen beharra, agente politiko eta sozial guztiek prozesuan parte hartzea, euskal herritarrek erabakitzen dutena errespetatzea –erakunde armatu batek egin nahi duen zaintzarekin bat ez datorrena-, eta proiektu politikoak bake prozesuari derrigorrean lotu beharrik ez egotea aipatu ditu, besteak beste.