Alde horretatik, Agirrebengoak hauxe adierazi du: “Horrek Hobekuntzaren Erreformarako gure proposamena bermatu baino ez du egiten: proposamenak leku propioa aldarrikatzen du ekonomi eta zerga arloetako erabakiak hartzen diren Europako eremuetan”.

 

Halaber, Europako Kontuen Auzitegiaren erabakia ontzat jo du, eta “jurisprudentzia ezarriko duela eta zerga sistema propiorako berebiziko laguntza dakarrela” adierazi du.

 

Agirrebengoak gogoratu du Espainiako estatuak eta Auzitegi Gorena bezalako erakundeek euskal ogasunen erabakiak zalantzan jarri dituztenean,   Miguel Sanz Nafarroako lehendakaria EAEko egoera eta Nafarroakoa bereizten saiatu dela. Amaitzeko, honako hau adierazi du: “Hala eta guztiz ere, bistakoa da foru sistemek alde txiki-txikiak dituztela. Uste dut erabilgarriagoa izango litzatekeela Nafarroako lehendakariak interes komunen alde lan egitea eta horiek defendatzen laguntzea, beti ondoko erkidegoko erakundeek zerga arloan burutzen dituzten ekimen eta jardueren atzetik joan beharrean”.