PFEZ aldatzeko lege-proiektuak IPREM indizea mantentzen zuen pentsioak kobratzeko erreferentzia gisa eta hilaren bostean UPNk eta CDNk proiektu hori aldatzeko proposamena aurkeztu zuten, pentsioak eta lanbide arteko gutxieneko soldata parekatzeko. “UPNk eta CDNk gobernua sortzeak ez du esan nahi parlamentu talde gisa egiten dituzten jardunak gobernuko jarduerari automatikoki estrapola dakizkiokeenik”.

 

EAJ-PNV ez dator bat Gobernuak izandako jokabidearekin eta uste du erakunde publizitatea jada onartu diren arautegien berri emateko erabili behar dela, eta ez oraindik izapidetu ez diren gaien berri emateko. “Sinestezina da UPNk eta CDNk erakunde publizitatea beren mesederako hauteskunde propaganda egiteko. Guztiok jakin nahi dugu ea zertarako dagoen Nafarroako Parlamentua eta zer-nolako errespetua dioten UPNk eta CDNk erakunde horri, berari baitagokio legeekin eta arauekin zerikusia duten kontuak izapidetzea”.