Alderdi abertzaleak berriro eskatu du errentaren gaineko zergaren famili kenkariak (ondorengo edo aurrekoengatik, minusbaliotasunengatik... aplikatzen direnak) kuotan aplika daitezela eta ez zerga-oinarrian, egungo erregulazioak diskriminazioak eragiten baititu. Era berean, proposatu du 60.000 euro baino gehiagoko zerga-oinarria duten zergadunei 44,00 puntuko tasa aplikagarria manten dakiela, Nafarroako Gobernuak proiektuan tasa hori ezabatu egin duen arren.

 

Gainera, etxebizitza alokairua sustatzeko eta alargun geratu diren edo minusbaliotasuna duten pertsonen eta hauen senideen zerga-egoera hobetzeko zenbait aldaketa egitea ere proposatu da.