Azpiegiturei esparruan, Nafarroa Bai alderdiak lehentasunezkoa dela uste du Gobernu Zentralak bestelako finantzazio mekanismoak onartzea, gure Erkidegoaren garapenerako bereziki garrantzitsuak diren obrak gauzatzeko. Horregatik, akordioa lortzeko negoziazioen esparruan kokatu du aukera horren onarpen formala: foru Erkidegoak obra jakin batzuen zenbatekoa aurreratuko luke, gerora kopuru hori berreskuratzeko Hitzarmenaren ekarpenean eginiko deskontuen bidez.

Hori alde batera utzita, bideetan zenbait azpiegitura garatzeko beharrek kapitulu zehatza dute NaBai taldeak 2007ko EAOei eginiko zuzenketetan.

Gainera, NaBai-k arreta eman dio Erkidearen garapen sozioekonomikoari, eduki nabarmenki sozialeko proiektu politikoaren esparruan. Nagusitasuna eman zaio osasun ikerketa publikoari, energia berriztagarriei edo ingurumen garapeneko proiektuei, besteak beste.

Negoziazioen esparruak irekita uzten du ere industriaren sektoreko proiektuak garatzeko beharraren eremua, arreta berezia jarriz automozioaren sektorean.

Azkenik, azpimarratzekoa da zuzenketa multzoak Gobernu Zentralaren aldetiko inplikazioaren beharra nabarmentzen duela euskararen garapenaren eta sustapenaren eremuan, berezkoak dituen eskumenen bidez.