Buru jeltzalearen ustetan, “UPNk badaki bere nagusitasuna kolokan dagoela eta eskura dituen bide guztiak erabiliko ditu horixe galarazteko. Orain “gure seme-alabak eta gure bandera defendatzera” animatzen badu, zer nolako hitzak espero ditzakegu Foru Erkidegoaren arduradun nagusiaren aldetik datozen hilabeteetarako? Egia esan, nafar guztion defentsa martxan jartzeko arrazoia Sanz lehendakariak gizarte nafarrari helarazi nahi dion amorrua eta urduritasuna dira”. 

Zentzu horretan, Agirrebengoak Miguel Sanzi eskatu dio “UPN boteretik kentzen badute, ez saiatzeko errudunik bilatzen beste talde politiko batzuetan. Izan ere, arrazoi bakarra egongo da emaitza horretarako: biztanle nafarren borondatea hautestontzien bidez adierazita.