Agirrebengoak azaldu du tamalgarria dela Altsasuko agintari gorena jasaten ari den jazarpena eta presioa. Bere hitzetan, “gaur goizean, berriro ikusi dugu gure artean oraindik ere badagoela jendea xantaiaz eta larderiaz baliatzen dena, mafiak egiten duen bezalaxe, eta, bide demokratikoa aukeratu ordez, uzkurtuta eta ETAren mende bizi dena”. 

Zentzu horretan, erasoa gaitzesten duela esan du behin eta berriro eta Asun Fernández de Garaialderekiko elkartasuna azaldu du. Era berean, azpimarratu du “gizartea gogaituta dagoela lau iluminatuk indarkeria arazoei irtenbidea aurkitzeko baliozko bide gisa defendatzen jarraitzen dutela ikusteaz. Altsasuarrok ez dugu dinamika horretan sartu nahi. Gauza bakarra lortu nahi dugu, euskal gizartearen gehiengoak bezalaxe; hots, bakean bizitzea eta arazoak soil-soilik bide demokratikoen bidez konpontzea”.