Kontzentrazioan 3.000 pertsona baino gehiago batu dira eta normaltasun osoz burutu da "Bakearen alde, bortxakeriari ez" lelopean. Ekitaldia, Carlos Alonso Palate eta Diego Armando Estacioren omenez, hiru minutuko isilunearekin hasi da. Ondoren, Johnny Calva ekuadortarrak deialdiaren lema gaztelaniaz, euskaraz eta quechua hizkuntzan errepikatu du. Amaitzeko, Yerovi Ordoñezek elkarte guztien artean sinatutako agiria irakurri eta azpimarratu duenez, "zorigaitz hau ez luke helburu alderdikoirik izan behar".