Barkosek azaldu duenez, Auzitegi Gorenak joan den ostiralean emandakoa bezalako epaiak “oso lege zehatzen argitan sortzen dira”. “Arazoa epaia bera ez eze, lege horiek ahalbidetu eta azkenean gauzatzen dituen egitura edo sare legegilea ere bada”, esan du, “mantxeta batek, alderdi batek, edo sigla batzuek ez dute deliturik egiten, delituak pertsonak egiten dituzte".

"Alderdien legea bezalako legeek Zigor Kodearen aplikazio logiko eta zorrotzaz harantzago doazen oso intentsitate baxuko demokraziak islatzen dituzten egoeretara garamatzate”, adierazi du Uxue Barkosek.