Lehendakaria goizeko bederatziak eta hogeian heldu da, Begoña Agirre emaztearekin, Justizia Jauregiaren inguruetara. Bertan, goizetik ehunka herritar bildu dira euripean. Lehendakaria txalotu eta «aurrera» oihukatu diote.

EAJ-PNVren EBBren presidente Josu Jon Imaz izan da ordezkaritza jeltzalearen buru, eta Ibarretxe agurtu du. Iñigo Urkullu, Joseba Egibar, Iñaki Gerenabarrena, Bilboko alkate Iñaki Azkuna, Bizkaiko diputatu nagusi José Luis Bilbao, Legebiltzarreko presidente Izaskun Bilbao, EBBren presidente ohi Xabier Arzalluz, eta Sabino Arana Fundazioko presidente Juan María Atutxa ere bildu dira bertan.