Egungo egoeraren diagnostikoan, Uxue Barkosek esan du “Politika hauetan etengabe iragartzen dena aldabakiak direla, benetan neurri eta programa osabetezkoak eta zeharkakoak behar direnean”. Nafarroa Baiko hautagaiak gogorarazi du Iruñako Udaletxeak 2 legealdietan hedatu duen ekintza zehatz bakarra Berdintasun Aukera Plana izan dela. Plan hau politika geldo eta proposamen erretorikoetan oinarrituta dago, “Iruñerriko Udaletxe askok zeharo gainditu dute, Burlatakoak adibidez”, eta barera Zaragoza edo Gasteizko hiriak jarri ditu adibide gisa.

Nafarroa Baik lan egingo du Udal Gobernuaren ekintza guztiak zeharkako genero berdintasun politikekin bustitzeko, berdintasun hitzarmenak bete daitezen, udal zerbitzuak berdintasun politikak ezartzeko behar dituzten baliabideetaz hornituz.

Aldi berean, Nafarroa Baik proposatzen du udal enpleguarentzako berdintasun plana egitea, modu honetan ez bakarrik baldintza denak eta udal zerbitzutan zein udalarekin lan egiten duten enpresatan ere berdintasun politikak bete daitezen.

Soldata parekatzea, lan kontziliazioa ahalbidetzeko benetako ekimenak, heziketa jarraia, elkartasun politikak, behar gehien dituzten kolektiboei zuzendutako laguntza eta oso bereziki tratu txarren biktimak diren emakumeak ahalik eta modu eraginkorrenean eta azkarrenean atenditzeko eta erantzuna emateko neurriak. Hauexek dira Nafarroa Bairen hautagaiak jakitera eman dituen neurrietako zenbait, betiere “gogoan dugun hiria lortzeko, berdintasun kontuetan aitzindari izanen den hiria”.