Euskadi Irratian egin duen elkarrizketan Ibarretxek gogorarazi du azken hauteskundeetan "gauza bera" gertatu zela EHAKrekin, baina esan du "orduan PSE eta PPri komeni zitzaiela EHAK hauteskundeetan egotea, batez ere hiruko gobernuari gehiengo osoa kentzearen ondoreetarako".

"Orain, dirudienez, ANV, ASB edo beste formula batzuk legez kanpo utzi nahi dituzte. Guk Batasunak hauteskundeetan zuzenean parte hartzea defendatzen dugu, alderdi bat "legez kanpo" uzteko ahalmena herritarrek eduki behar dutelako eta Udaletan egon behar duelako gauzak konpontzeko eta guztien artean hitz egiteko", adierazi du