Aralarrek, EAk, EAJk eta Batzarrek osatutako koalizioko hautagaiak, zerrendak aurkezteko ekitaldian, maiatzaren 27an bi aukera baino ez direla izango adierazi zuen: gobernu aurrerakoia, plurala, Nafarroa Bairekin, edota eskuin elkorrenaren interesak defendatuko dituen gobernua.

Nafarroa Baik politika sozialari, pluraltasunari eta bakearen zein elkarbizitzaren aldeko borrokari emango dio lehentasuna. Hala azaldu zuen Patxi Zabaletak Fernando Puras hautagai sozialistari erantzunez: «Ez Leitza Patxi Zabaletarena, ez Corella Sanzena, ez Tutera Purasena; herri horietan eta Nafarroako gainerakoetan era askotako herritarrak daude, eta hori da geroan islatu behar dena».