EAJko parlamentaria izan da Talde Mistoko kide bakarra, eta beste taldeek hainbat parlamentariren artean lana banatzen zuten bitartean, Etxegarai Ganberako komisio eta batzar guztietara joan da. «Langile izateagatik», «bakarrik egoteagatik» edota «moral izugarria edukitzeagatik» saritu dute kazetariek.

Inkesta beraren arabera, hiztunik onenak Juan Cruz Alli (CDN) eta Juan José Lizarbe dira (PSN). Zerrendan, ondoren, Patxi Zabaleta (Aralar) ipini dute, eta «dibertigarriena» ere izendatu dute. Parlamentari berrietatik gehien nabarmendu dena Patxi Telletxea (Aralar) izan da, aspergarriena Iosu Pardo (PSN) eta gauzak gehien errepikatu dituena Maiorga Ramírez (EA).