Bere ustez, "ukaezina da hori"; izan ere, "orain dela urtebete edo urte eta erdi hauskaitza zirudien gehiengo osoa hautsi da". Halaber, herritarrek zenbait indarren arteko elkarrizketaren eta ulermenaren bidezko aldaketa eskatu dutela eta aldaketa hori gauzatu behar duten eragileek beharrezko maila izatea beste kontu bat dela erantsi du.

Alde horretatik, koalizioak aldaketa erakundeetatik, gobernu instituzionaletatik, lantzen hasteko aukera guztiak agortuko dituela ziurtatu du. "Baina ez da egia guztia hemen amaitzen denik. Nafarroa Baik ordezkaritza garrantzitsua du Nafarroako hainbat erakundetan, eta horietan sostengatuko da eta horiekin egingo du lan, aldaketa oposizioan ere egiteko. Izan ere, egin daiteke eta hala egin behar da", adierazi du.