Nafarroa Baik hauxe adierazi du, ohar baten bidez: «Nafarroan aldaketa politikoa gertatzen ari da jada, guk, Nafarroa Baiko kideok, ez ditugulako ahaztuko gure aldeko botoa eman zuten 80.000 hautesleak, eta haien borondatea beteko dugulako, baita PSNk eta beste alderdi politiko batzuek agindutako aldaketaren alde bozkatu duten beste dozenaka mila lagunen borondatea ere».

«PSNrekin negoziatzen aritu gara, eta haren jarrera burugabea izan da. Horren ondoren, argi eta garbi geratu da Nafarroaren eta bere gobernuaren etorkizunari buruzko erabakia, berriz ere, ez dela Nafarroan hartu, lurralde honetako errealitatean eta herritarren borondate demokratikoan oinarrituta, Madrilen baizik. Bestela, ezin da azaldu PSNko Nafarroako Eskualde Batzordeak duela egun gutxi ia aho batez iragarri zuen erabakia iragarrita, gaur negoziazio batzordeak atzera egin izana, baita egin zuten azken proposamen onartezinarekiko ere», gaineratu du.