Nafarroako EAJk nafar jendartearen aurrera ekarri nahi du Think Gaur Nafarroa 2020 prozesuaren berri. Jada, adituek egungo Nafarroaren diagnostikoa egina dute alor ezberdinetatik abiatuta: Nafarroa eta Europa, Jasangarritasuna, Berrikuntza, Gizarte Politikak, Kultura eta Euskara. Horietan denetan aurreratu dira helburuak eta egindako lanetik abiatuta planteatuko diren neurri eta ekimen zehatzak. Orain, hiritargoari zabaldu nahi zaio eta aukera eman nahi zaio zuzenean ere parte har dezan. Nafarroako hainbat eskualdetara zabalduko da prozesua eta, batera, aurrerantzean eginen diren mintegiak, hitzaldiak, mahai inguruak eta abarren berri emanen da ekitaldi honetan.