Buruzagi jeltzaleak Lopezek Sorturen legeztatze posiblearen inguruan egin duen “jarrera aldaketa” baloratu du, baina “kezkagarri” jo du legeztatzea epaimahaien eskuetan utzi izana.
Urkulluk azaldu duenez poztu egin da Patxi Lopezen adierazpenek islatzen duten “jarrera aldaketa” “Espainiar gobernu buruak iragan den astean esandakoarekin alderatuta”. Eusko Jaurlaritzaren lehendakariak igandean bertan esan du talde berria legezkoa izan daitekeela ETA desagertu gabe.

      Dena dela EBBren lehendakaria “kezkatuta” agertu da jarrera aldaketa honek “epaimahaien eskuetan jartzen duelako erabakia hartzeko ardura”. “Edozein kasutan -esan du- txalotu egiten dugu, PSOEren alderdiaren dotrinaren aurrean Sorturen inguruko jarrera aldaketa hori gertatu bada”.

      Urkulluk ezarri duenez “Euskadiren inguruan eta Euskadirentzat pentsatzeko unea iritsi da” eta ez “hauteskundeetako interesek gidatuta jarduteko”. “Ekiteko unea da eta ez bakarrik hitz egiteko. Gauzak epaimahaien eskuetan utzi izanagatiko kezka honek eramaten gaitu Lehendakariak Sorturen inguruan esandakoak ekimenerako abiapuntu gisa erabiltzera” esan du.