Onda Vascari eskainitako elkarrizketan bozeramaile jeltzaleak onartu du bere taldea apur bat “artega” dagoela Zapateroren balizko erorketak PSOErekin hitzartutakoa eragin dezakeelako.

      Horregatik, EAJ-PNV “asteotan lan gogorra egiten ari da itxitako akordioen betearazpen prozesua arintzeko”. “Batzuk daude aplikatzeko bidean, gutxi barru gauzatuko dira; batzuk egin ziren eta hitzartutako egutegiaren lehen seihilekoan ari gara, ekainera hel ez gaitezen ezarritako helburuak bete gabe” azaldu du.