Bilbaok gogoratu duenez lehen belaunaldiko zentral honetan Fukushimako teknologia bera du, bere bizitza erabilgarria agortu du eta laurogei kilometroko perimetroan bi milioi pertsona inguru bizi dira.

      Izaskun Bilbaok defendatu duenez zentralen egoera neurtzeko lehen estres neurketak “lehen belaunaldiko zentraletan egin beharko lirateke”, hau da “Fukushimako zentralaren teknologia bera erabiltzen direnetan”, “beren bizitza erabilgarria agortu dutelako eta teknikoki gaindituta daudelako”.

      Era honetako instalazioen adibide gisa, eurodiputatu jeltzaleak Santa María Garoñakoa aipatu du eta Europar Legebiltzarrari eskatu dio inguruan bi milioi pertsonako biztanleria duen zentrala ixtea.