“Nafarroa Bairen aldetik erronka bat planteatu dugu. Heldu da bizitza politikoan nafar gizartearen bizikidetza anitza islatzeko garaia , eta aniztasun hau gorpuztu dadila udaletako gobernuetan eta abarretan. Amorruarekin eta bazterketarekin amaitzeko garaia heldu da” baieztatu du aurkezpenean izan den Patxi Zabaletak berak.

      Ricardo Gómez de Segurak hauteskunde egitasmoko lehentasun gisa ezarri ditu baliabide ekonomikoak ondo erabiltzea eta lana sortzea. “ Honek suposatzen du behar besteko azpiegiturak sortzea krisialditik irteteko prest egon gaitezen: Parke Teknologikoa eta Enpresen haztegia bultzatu beharra dugu oraingo 5 langiletatik 100 lanpostu izatera igaro gaitezen” baieztatu du Gómez de Segurak.