“Enpresek , aholkularitza, finantzaketa eta zerga sistema egokiaz gain beharrezko dute gizartean aintzat hartuak izatea” baieztatu du Manu Ayerdik. “Epe luzera inbertituko duen, B+G+iren aldeko apustua egingo duen eta epe luzerako lanpostuak sortzeko konpromisoa hartuko duen enpresariak Nafarroa Bai 2011ren babes osoa izango du, Nafarroako eskualde guztietan kalitatezko lana sortu nahi dugulako, bazterketarik gabe”.

      Maider Goñi Etxarri-Aranatzeko alkatesak azpimarratu du “emandako hitza” betetzeak duen garrantzia eta udalen egitekoa dela “hiritarrei kudeaketa eta zerbitzua ahalbidetzea eta erraztea”. Halaber, Etxarri-Aranatzeko hiritarrei, hurrengo 4 urteotan gobernatzen jarraitzeko konfiantza eskatu die.