Iñigo Urkullu EBBren lehendakariak kanpaina hasteko ekitaldian iragarri du bere alderdiak azaroaren 20ko Hauteskunde Orokorretara daramatzan hiru helburu nagusiak direla bortxakeriarik gabeko gizartea finkatzea, Euskadirentzat 2015 urtean estatus politiko berria lortzea eta enplegua sortzea. EAJk bere eredua aurkeztu du “lerro bakar batean” sartzen den egitasmoa duen ezker abertzale “monotematikoaren” eta PSE eta PP alderdien formula ezin okerragoaren aurrean.