Uxue Barkosek gogoratu duenez “legegintzaldi honen amaiera bizi izan dugu, Nafar Ogasunaren eskubideak mugatzen dituen legeri berriarekin, bere zorpetzeko gaitasuna mugatzen du eta UPN, PSOE eta PP alderdien botoekin  baino ez zen onartua izan”.  

   Lider politiko baloratuenen artean kokatu duen CIS inkestaren inguruan galdetu diotenean, Uxue Barkosek onartu du beretzat “harro egotekoa izan dela” Nafarroa Bairen hautesleak Kongresuan ordezkatu izana, eta Geroa Bairekin ere hala izatea espero duela. Halaber “harrigarri” jo ditu  inkesta honek PSOEri Nafarroan, EAEn eta Catalunyan eskaintzen dizkioten emaitzak. Barkosek esan duenez inkesta hauek Nafarroan aurrekoetan ere “huts egin izan dute”.