Zentzu honetan, Virginia Alemán Baztango alkate ohiak baieztatu duenez “Geroa Bairen diskurtso integratzaile eta ez baztertzailea da Nafarroaren aniztasunaren aitortza bermatuko duen bakarra”.

    Maria Solana bere aldetik, bere diskurtsoa alderdi ekonomikoetan oinarritu du. Bere hitzetan “Geroa Baik zerga politiken erabilpen eraginkorra sustatuko du. Zerga sistema Ongizatearen zerbitzura dagoen tresnatzat hartuko da eta inoiz baino gehiago zerga iruzurraren eta insolidariotasun sozialaren kontrako konpromisoa hartuta. Orain da kapital errentei ahalegin handia eskatzeko unea”.