“UPN-PSNko gobernuak murrizketak onartu eta beren soldatak igotzen dituzte, biztanleriari egunez egunekoa bizitzea kostatzen zaion egoeran”, Gerardo Goñi

     María Solana, Kongresurako hautagaiak Geroa Bai koalizioaren inguruan esan duenez “Nafarroa Bairen jarraitzailea da bere asmo, gogo eta desiotan”. “Gauza bera dira funtsean” azaldu du.

    Solanak koalizioaren egitasmoa defendatu du “seriotasuna dago, zorroztasuna dago eta egitasmoa dago”. “Geroa Bai gizarte honekiko seriotasun eta konpromiso egitasmoa da” baieztatu du.

    Bixente Serrano Izkok Geroa Bairen inguruan esan duenez “denok hartzen gaituen Nafarroaren ikuspegia da”. “Nafarroa ez da sinestarazi nahi diguten esparru egonkor eta ukiezina. Hiritarrek osatzen dute, gizarte bizi eta anitza da, pertsona ezberdin eta zehatzek osatzen dutena”. Gaineratu duenez “etorkizun ezberdin eta integratzailea nahi dugu, denon artean egiteko eta eraikitzeko ilusioarekin”.