Horren aurrean, zera baieztatu du Bixente Serrano Izkok “ alderdi txikiak, Geroa Bai modukoak dira sentsibilitate berriak adierazten dituztenak, eskari berriak; eta hiritarrok ditugun arazoetarako ikusmolde eta konponbide berriak aurkezten dituzte, pertsonengandik hurbilagoak eta askoz ere eraginkorragoak”  .

   Zentzu honetan “ Uxue Barkos azken 8 urteotan  egon izana zerbait historikoa izan da. Erakutsi egin du boto guztiak direla onak eta baliotsuak” , aldarrikatu du Geroa Bai koalizioak Kongresura daraman bigarren hautagaiak.  

  “Merezi du Nafarroa anitz honen ahotsa Kongresura eramateko ahalegina egiteak , Bixente Serrano Izko

    Gai honen inguruan jardun du hain zuzen Jokin Castiella, Kongresurako hautagaiak berak. Bere hitzetan “ Madrilera joan behar da lanaz hitz egitera, pentsioez, lurraldetasunaz, nafar emakume eta gizonon ongizatea eta eskubideak defendatzeko, eta lan horrek eguneroko ahalegina eskatzen digu” .

Ana Vilches, Geroa Baik Senaturako aurkezten duen hautagaiak azaldu duenez “ prozesuan ari gara Nafarroan aldaketa lor dezagun. Ereiteko denbora da, ez uzta batzeko” .