Diario de Navarra eta Diario de Noticias egunkariek argitaratutako inkestek ez diote Geroa Bairi eserlekurik ematen, baina lehian sartzen dute Uxue Barkosek Kongresuko eserlekua berresteko aukera izan dezan.

   Barkosek azpimarratu duenez “duela hilabete eskas, Geroa Bai marka berria aurkezten zen, hori zen gure zailtasunik handienetakoa, eta jendeak gure egitasmoa marka berriarekin identifikatu izana da benetan pozgarria dena”.

   Hautagaiaren esanetan “inkestek onartu dute Geroa Bai koalizioak Nafarroan gune politiko nabarmena hartzen duela eta 2004 urtera bueltatzen garela, lehengo Nafarroa Baik eta oraingo Geroa Baik  UPNri eserlekua  kentzea lortu genuenean”. “Pozez betetzekoa da, gure zailtasunekin ere aukera berdintasunean borrokatu ahal garelako” baieztatu du.