Gerardo Goñik azaldu duenez “independentzia helduko da, abertzaleak garen aldetik guk ere nahi dugu, baina berez ez ditu krisi ekonomiko sakon honen arazoak konponduko”. Zentzu honetan, Geroa Baiko hautagaiak azaldu duenez “frentismoak ez du konponbiderik ekartzen. Ez du ezertara eramaten, bakarrik frustraziora eta etsipenera, emaitzarik ez jasotzera, aurreratzerik ez izatera”. “Nafarroan- baieztatu du-planteatu beharra dugu zer egin dezakegun eta nola egin dezakegun”.

    “Boto erabilgarria da Geroa Bairi emaniko botoa. Aukera bakarra da nafar gisa entzun diezaguten” Ana Vilches, Senaturako hautagaia

  Bixente Serrano Izko Kongresurako hautagaiak adierazi duenez “denentzako albiste ona izan da urriaren 20an ETAk armak behin betiko uzten dituela iragarri izana”. Dena dela “oraindik irauten dute politika egiteko molde zaharrek , eta berriak garatu behar dira, hori da Geroa Bai”.

  Irurtzunen ospatutako ekitaldian hitz egin du Maria Solanak. Bere hitzetan “Geroa Bai koalizioan lan egiteko prest gaude, ez dakigu bestela egiten”. Gaineratu duenez “Ezberdintzen gaituena da ez diogula inori ezer zor, ez dugu inorekin kontsultatu behar, guk geuk erabakitzen dugu Nafarroatik bertatik eta nafar guztion alde”.