Imazen aburuz "UPNk kontrakoa frogatzen ez duen bitartean, Euskal Autonomi Erkidegoak eta Nafarroak bizi duten normalkuntza demokratikoa nahiko antzerakoak dira. Hala ere, Euskal autonomi erkidegoan abian jarri izan diren politikei esker euskarak gora egin ahal izan duen bitartean, Nafarroan maldan behera jarraitzen du euskararen egoerak".

Buruzagi jeltzaleak Iruñan gaur burutu duen prentsaurrekoan adierazi duenez "UPNk jarraitzen du oraindik ere euskara alderdikeriaz nahasten. Hala ere, Euskal Autonomi Erkidegoaren azken hogei urteotako datuek frogatzen dute, euskararen egoeraren hobekuntzak ez dutela hiritarren aukera politikoetan eraginik izan. Euskalgintzan mamuak ikusten duen bakarra UPN da".