"EAJren iritzian —adierazi du Etxegaraik— erreferendumik egin behar den ala ez den egin behar, planteamendu akastuna da berez. Sakoneko gaia ondoko hau da: ea UPNk, CDNk eta PSNk erabakitzeko ahalmena aintzatesten diguten nafarroi, hots, ea onartzen duten geu bakarrik garela, nafarrok, orain eta etorkizunean zer izan nahi dugun erabakitzeko ahalmena dugunak".

Testuinguru horretan, UPNren jarrera aipatu du. UPN erreferenduma egitearen aurka azaldu da, eta hori inkongruentea da. "Erregionalistak 25 urtean dabiltza Nafarroaz hitz egiten, Komunitate bereizia dela eta autogobernurako ahalmena duela, baina beti ere estatu espainiarrak erabakitzen duenaren menpean, estatu hori izan baita behin eta berriro gure eskubide historikoak murriztu dituena".