Nafarroa Bai koalizioa osatzen duten alderdiek gaur adierazi dutenez, "gero eta handiagoa da, eta argiagoa, gure gizartean nabaritzen den eskaera eta beharrizan hau: Nafarroako hiritarrei soilik dagokiela beren etorkizuna erabakitzea". NaBai triptikoez eta kartelez baliatuko da lurralde-ereduari eta Foruaren Hobekuntzari buruzko eztabaidan bete-betean kokatzen den kanpaina honetan.

Testuinguru horretan, Uxue Barkos diputatuak adierazi duenez, “Nafarroako hiritarrei eztabaida ezkutatzen ari zaizkigu, eztabaida hori Madrilen ari baita gertatzen, eta lurralde-eredu berriari nola eta zein edukirekin ekiteko eta gure Forua hobetzeko azken hitza zein neurritaraino dugun jakinarazteko datu guztiak ematen dihardute".