Talde abertzaleak azpimarratu nahi izan duenez "hitz handiz eginiko politikaren garaia heldu da jadanik, armen zarata isiltzekoa eta bortxazko ekintzak amaitzekoa". Gaineratu duenez "bortxakeriaren amaieratik baino ezin diogu gizarte normalizatua eta baketsua eraikitzeari ekin". Azkenik, EAJk gogoratu egin du euskaldunen gehiengoaren borondatea "normalizazioa eta bakea" dela; hortaz, herri ezberdinetan bart gauean izan diren bortxazko gertakariek "konponbideak bilatzeari oztopoak baino ez dizkiote jartzen".