Nafarroako autogobernuaren defentsari dagokionez, burukide jeltzaleak UPNren jarrera kritikatu du "nazio-aniztasuna eskatzen ari den eta nazionalitate historikoen Estatutuak berritzeko eztabaidak gaurkotasuna duen unean gertatu delako". Zehazki, parlamentuko txostenari buruz ondokoa esan du: "nafarren %70ak baino gehiagok autogobernu-kuota handiagoak eskatzen ditu, baina UPNk soilik defendatu ditu trafikoaren gaineko transferentziak, Noaingo aireportuaren kudeaketa eta Laugarren Xedapen Iragankorraren ezabatzea; hain zuzen ere, laugarren xedapen honek nafarrek euren autogobernuari buruz iritzia emateko aukera bermatzen du".