Agirrebengoak prentsaurrekoan adierazi du erregionalistak "inboluzio egoeran daudela murgilduta, erabat direla PPren estrategia frentistaren  morroi” eta esan du bera oso arduratuta dagoela  UPNren jarrera horrekiko, ez bakarrik bakeratzeari dagokionez, baita Nafarroaren autogobernuaren defentsari dagokienez ere.

 

Testuinguru horren barruan kokatu du Nafarroako Parlamentuko Autogobernuari buruzko Ponentzia behin eta berriz pairatzen ari den atzerakuntza, "eztabaida horretan UPN ez dagoelako eroso eta atzez egiten ari delako". Ildo beretik azaldu du EAJ-PNVk Amejoramendua hobetzeko proposamena aurkeztu badu ere, "UPNk bi folio aurkeztu dituela, trafiko eta bidetako segurtasuneko eskumenak eskatuz eta Noaingo aireportuaren kudeaketa eskatuz, eta Gizarte Segurantza eta Espetxeetako Politikaren kudeaketa, ez eskumen osoa”.