“Merindadeak” da Eguberri bezperetan Lizarrako Irujo Etxea Elkarteak argitara eman berri duen urtekariaren izenburu nagusia. Nafarroako Merindadeei dagozkien hainbat erreportaiez gainera, aipagarri dira benetan Gregorio Monreali egindako elkarrizketa, Gamazadaren gaineko kronika historikoa eta Xabier Deunaren senitarteari buruzko informazioa.

Josu Jon Imaz Euzkadi Buru Batzarraren lehendakariak “hurrengo urte t´erdian ahalegin berezia” egin dezaten eskatu zien atzo Lizarra Merindadeko jeltzaleei, “Nafarroa Bai egitasmoa indartzeko eta egiazko gobernu-alternatiba osatu ahal izateko”. Adierazpen hauek Lizarrako bertako Gure Geroa elkartean egin zituen Imazek.

Iruñako EAJ-PNVk Nafarroako ko-patroia, Xabierreko Franzisko Deuna, bertze urtez, ospatu du. Atzo, abenduaren 2an, lore eskaintza xume bat egin zuen, bertan bertsolari bat izan zelarik. Ospakizunek gaur Batzokian egin den bazkari batekin jarraitu dute. Bazkarian, anitz alderdikide eta jeltzaleekin batera, Napar Buru Batzarreko Lehendakariak, Jose Angel Agirrebengoak, E.B.B.ko Lehendakariak, Josu Jon Imazek, eta Kongresuko Euskal Taldearen bozeramaileak, Josu Erkorekak, parte hartu dute.

Jose Angel Agirrebengoa NBBren presideteak gaur adierazi duenez Nafarroa Bai-k urte eta erdi darama lanean eta astero eztabaidatzen dute zeintzuk izango diren Nafarroa Bai-ren oinarri programatiko eta eratzaileak, hortaz, eta Agirrebengoaren iritziz, oinarri hauek otsailerako finkatuak egon litezke eta "egitasmoaren sozialisazioarekin hasteko prest egongo ginateke".

Ostegunetik, azaroaren 24tik, Nafarroako Liburutegi Nagusiak hiru bandera berri ditu bere fatxadan. Kontua da egun horretara arte bertara sartzen zirenak Udalbideren jabetzakoa den lehen solairuko balkoian esekita zeuden ikurriñaren eta Nafarroako eta Europako banderen azpitik egin behar zutela. Nafarroako Gobernuak lortu nahi izan duen emaitza baloratzera sartu gabe aise baieztatu dezakegu, esparru horretan metro koadroko pilatzen diren banderak kontuan hartuta behintzat, ikus-eragina gutxienez lortu duela.