Altsasuko Taldea izeneko Udal Taldeak iragarri duenez, litekeena da Construcciones y Auxiliar de Ferrocarriles enpresak (CAF) Castejonen produkzio lantegia martxan jartzea, antza denez, kokapen hau Nafarroako Gobernuak proposatu dio Gipuzkoako enpresari.

Jose Luis Etxegarai EAJren legebiltzarkideak aditzera eman duenez,  Gizarte ongizate Sailburuak bere ardurak ez baztertzea espero du eta  parlamentu aurreko hitz egitean Ilunberriko nagusien egoitzaren egoeraren gaineko azalpena, eta  kudeatzea eta gastatutako diru publikoaren gaineko informazioa eman dezan, inauguratu eta  lau urte beranduago, oraindik erabil gabeko azpiegitura baita. 

EAJ-PNVk  zortzi zuzenketa aurkeztu dizkio Nafarroako Ekonomi eta Gizarte Kontseiluari buruzko Foru Legearen Proiektuari. Zuzenketa horiekin  hala Batzordearen funtzionamendua hobetzea nola horri bere funtzioen arabera egokiagoa den ordezkaritza sistema zuzkitzea da.

EAJk Autogobernuaren gaineko hamaika zuzenketa aurkeztu ditu, hauetariko bost, Nafarroa Bai osatzen duten alderdiekin adostutakoak izan dira.

Jose Angel Agirrebengoa Nafarroako EAJren lehendakariak Estatu Kontseiluak Aldi Baterako Xedapen Gehigarria kentzearekiko osoko desadostasuna adierazi du . "Erabat errefusatzen dugu txosten hori, Nafarroa beste Erkidego Autonomo gisa hartzen delako eta ez Erkidego Historiko gisa, irizpide berdintzaileak aplikatzen ditu hitzarmen sistemaren aldebikotasuna apurtzen dutenak".

La Voz de Navarra buletinak  Nafarroa eta Baxe Nafarroaren arteko azpiegiturak hobetzeko egitasmoa aztertzen du bere azken zenbakian, proiektu hori da batez ere, Piriniotako alde bien artean egitasmoak bultzatzeko eta  ekonomia, enpresa eta gizarte mailako gaiak hobetzeko.

NBBren lehendakari José Ángel Agirrebengoak berretsi duenez, ona izango litzateke Kataluniako Estatutuari buruzko behin betiko akordioak Kataluniako herritarrik gehienen atxikimendua eta onespena jasotzea; halaber, negoziazio-prozesua oraindik ez dela amaitu adierazi du, eta prozesu horrek bide guztiak agortu behar lituzkeela Katalunian hiruko gobernua osatzen duten alderdi guztiek prozesuaren emaitzarekin asebeterik egon daitezen.

Jose Angel Agirrebengoa Nafarroako EAJren lehendakariak  Ermuako Foroak datorren larunbaterako Iruñan deitu duen manifestaldiaren gainean esan duenez  "zentzudunena da Nafarroako instituzioetako ordezkariak  autogobernuari eta foru sistemari kontra egiten dion manifestaldian ez izatea. Harrigarriena da  hiritarrak eta talde politikoek gure Erkidegoko buruzagiei manifestaldira joan ez daitezen eskatu behar izatea".

Ricardo Gómez de Segurak, Estella-Lizarrako Udaleko industri zinegotziak, Nafarroako Gobernuko presidentea den Miguel Sanzek egindako adierazpenei buruz hitz egin du. Izan ere, Sanzek ez du uste herrirako proiektatu den Ikusizko Arteen Zentroak aurrera egingo duenik eta, gainera, "itun interesdunen, politikoen eta alderdikoien bidez egindako guztiarengan" konfiantza gutxi duela esan du. Horrekin, EAJ-PNV alderdiak sustatu eta PSOEk babestu zuten proiektua aipatu nahi izan du.

Altsasu eta Gasteizen arteko tren zerbitzu bi kentzeko erabakiaren ostean, Altsasuko Taldea udal taldeak zerbitzua berriz ere martxan jartzea eskatu du Eusko Jaurlaritza eta Nafarroako Gobernuaren arteko hitzarmenaren bidez. Gogoratu nahi izan duenez zerbitzu hau 1995 urtetik mantendu izan da Eusko Jaurlaritzaren Garraio eta Herri Lan Sailaren finantzaketari esker.