HARREMANETARAKO
WWW.EAJ-PNV.EUS
Berriak
BERRIA
2006/01/24
Agirrebengoak Kataluniako Estatutuari buruzko behin betiko akordioa Kataluniako Parlamentuan aldeztu zuten alderdi guztientzat egokia izatea espero du
NBBren lehendakari José Ángel Agirrebengoak berretsi duenez, ona izango litzateke Kataluniako Estatutuari buruzko behin betiko akordioak Kataluniako herritarrik gehienen atxikimendua eta onespena jasotzea; halaber, negoziazio-prozesua oraindik ez dela amaitu adierazi du, eta prozesu horrek bide guztiak agortu behar lituzkeela Katalunian hiruko gobernua osatzen duten alderdi guztiek prozesuaren emaitzarekin asebeterik egon daitezen.
BERRIA
2006/01/20
Agirrebengoa: "Zentzudunena da foru sistemari kontra egiten dion manifestaldia ez laguntzea"
Jose Angel Agirrebengoa Nafarroako EAJren lehendakariak Ermuako Foroak datorren larunbaterako Iruñan deitu duen manifestaldiaren gainean esan duenez "zentzudunena da Nafarroako instituzioetako ordezkariak autogobernuari eta foru sistemari kontra egiten dion manifestaldian ez izatea. Harrigarriena da hiritarrak eta talde politikoek gure Erkidegoko buruzagiei manifestaldira joan ez daitezen eskatu behar izatea".
BERRIA
2006/01/19
Napar Buru Batzarrak Nafarroako Gobernuari eskatu dio Lizarrako Ikusizko Arteen Zentroari trabarik ez jartzeko eta proeiktu horren alde lan egiteko
Ricardo Gómez de Segurak, Estella-Lizarrako Udaleko industri zinegotziak, Nafarroako Gobernuko presidentea den Miguel Sanzek egindako adierazpenei buruz hitz egin du. Izan ere, Sanzek ez du uste herrirako proiektatu den Ikusizko Arteen Zentroak aurrera egingo duenik eta, gainera, "itun interesdunen, politikoen eta alderdikoien bidez egindako guztiarengan" konfiantza gutxi duela esan du. Horrekin, EAJ-PNV alderdiak sustatu eta PSOEk babestu zuten proiektua aipatu nahi izan du.
BERRIA
2006/01/16
Altsasuko Taldeak Altsasu eta Gasteiz arteko tren zerbitzua martxan jartzea eskatu du
Altsasu eta Gasteizen arteko tren zerbitzu bi kentzeko erabakiaren ostean, Altsasuko Taldea udal taldeak zerbitzua berriz ere martxan jartzea eskatu du Eusko Jaurlaritza eta Nafarroako Gobernuaren arteko hitzarmenaren bidez. Gogoratu nahi izan duenez zerbitzu hau 1995 urtetik mantendu izan da Eusko Jaurlaritzaren Garraio eta Herri Lan Sailaren finantzaketari esker.
BERRIA
2006/01/12
EAJ-PNVk Baluarte plazan behin eta berriz bermoldaketak direla eta eralgiak etengabe gehitzeagatik erantzunbeharrak eskatzen dizkio UPNri
Baluarte Plazan harzola aldeketa eta kafetegi bat jartzearen buruzko azken berriak jakinik, "bere garaian UPN-ko Administrazioak harturiko erabaki okerrek sortu dituzten eralgiak berriro zergapekoek ordaindu behar izatea” salatu du EAJ-PNV-ren Iruñako Uri Buru Batzarrak, “oraindik aldaketak ordaintzen jarraitzen dugun proiekto arkitektoniko hori UPN-k ontzat eman baitzuen”.
BERRIA
2006/01/11
Iruñara eraman dute Aralarko Mikel Deunaren erretaula, Antso Nagusia Erregea koroatua izan zeneko milurtekoaren erakusketa batean erakutsia izan dadin.
San Miguel Excelsis Kofradiaren eta Sakana, Larraun eta Leitzarango udalen ezezko adierazpenari kasurik egin gabe, gaur goizean hartu da Aralarko Mikel Deunaren erretaula Iruñako Baluartera eramateko. Urtarrilaren 23an irekiko da bertan, Antso Nagusia erregearen koroatzearen milurtekoa (1004-1035) gogoratzeko erakusketa.
BERRIA
2006/01/07
Manuel de Irujok lagunen, senideen eta ordezkari politikoen esku omenaldia jaso du Lizarra
Ehundaka pertsona bildu dira gaur Lizarran Manuel de Irujori omenaldia eskaintzeko. Irujo, EAJren alderdikide eta Justizia Ministroa izan zen II Errepublikan. Omenaldia Irujo Etxea elkarteak antolatu eta 2006. urtean zehar, Manuel de Irujoren heriotzaren 25. urteurrena dela eta, egingo diren ekitaldien barruan sartzen da.
BERRIA
2006/01/05
Irujo Etxea Elkarteak larunbat honetan abiarazten ditu Manuel de Irujoren omenezko ekitaldiak, haren heriotzaren 25. urteurrenean
Manuel de Irujoren heriotzaren hogeita bosgarren urteurrenarekin batera, Lizarrako Irujo Etxea Elkarteak larunbat honetan ospatuko du bere herrikidearen omenez aurten egingo den lehenengo ekitaldia; izan ere, Manuel de Irujo Eusko Alderdi Jeltzalearen burukide garrantzitsua izan zen, eta II. Errepublikan Justizia Ministroa izatera ere iritsi zen.
BERRIA
2006/01/04
Agirrebengoak erantzukizun politikoa eskatzen dio Batasunari, eta gogorarazi dio Donezteben ez zela manifestaldirik egingo baldin atentatua gertatu ez bazen
Joan den larunbatean Donezteben egin manifestaldiaz Batasunak egin dituen kritikei erantzunez, Napar Buru Batzarraren lehendakari José Ángel Agirrebengoak adierazi du “Doneztebeko herria atentatua salatu eta arbuiatzeko irten zela kalera, eta herritarrek jakin nahi luketena ez dela manifestaldia non edo nola deitu zen, baizik eta nork hartu zuen eta non hartu zen herriko diskoteka erauzi zuen bonba-kotxea jartzeko erabakia".
BERRIA
2006/01/03
Udalbidek finantza-laguntza handiak banatu ditu
Udalbide Elkarlan Elkarteak, Erakunde eta Udal euskaltzaleen elkartasun Funtsak, euskara, euskal kultura eta euskal nortasuna gorde, garatu eta sustatzeko laguntza-proiektua abiarazi du. Euskadi eta Nafarroako 200 alkate eta iparraldeko hogei bat hautetsi bildu dira euskal kulturarekin oso loturik dauden Ziburuko bi erakunderi diruz laguntze aldera; erakunde horiek Seaska eta Luma dira. Hitzarmenak sinatzen Ziburuko alkate Guy Pulou eta Udalbideren kide eta Ipar Buru Batzarraren lehendakari den Ramuntxo Camblong izan dira.
BERRIA
2005/12/31
Nafarroako Auzitegi Nagusiak, UPNk eman zituen bi irrati lizentzien banaketak baliogabetu dituelako EAJ pozik agertu da
Jose Angel Agirrebengoa Napar Buru Batzarraren presidenteak bere poza adierazi du Nafarroako Auzitegi Nagusiak, UPNk Nafarroako Unibertsitateari eta Net 21 irratiari eman zien lizentziak baliogabetu dituelako. Lizentzien banaketa orain dela zazpi urte egin zen eta Euskalerria Irratiak helegitea aurkeztu zuen esleipenetik kanpo gelditu zelako nahiz eta irrati kate hau, bai Iruñan eta baita eskualde guztian ere, euskaraz jardun duen irrati kate bakarra izan.
BERRIA
2005/12/30
Indarkeriaren aurkako manifestazioa Donezteben
"No a la violencia- Biolentzarik ez" izango da pankartaren leloa, bihar Donezteben egingo den manifestazio isilean. Bertan, ETAk Bordatxo jai aretoaren aurka egin berri duen atentatuaren aurka agertuko dira herritarrak.
