Nafarroa Bai taldeko diputatuak, Uxue Barkosek, galdera egingo dio Ingurumeneko ministroa den Cristina Narbonari jakiteko ea "gobernuak aukerarik duen Itoizko urtegiaren auditoretzari dagokionez joan den larunbatean prentsa nafarrak filtratu dituen txostenak egia diren baieztatzeko". Komunikabide batzuen arabera txosten horiek baztertu egiten  dute lurrikarengatiko arriskua.

Gaur goizean, Lesakan, batzarra egin dute EAJ-PNVren Bortzirietako uri buru batzarrek eta Eusko Jaurlaritzako Osasun Saileko ordezkariek, EAJ-PNVk eskatuta. Batzar horretan argi geratu da eskualdeko bizilagunek jasotzen duten osasun-arreta hobetzeko ahaleginak koordinatu behar direla.

Eusko Alderdi Jeltzaleak 19 zuzenketa aurkeztu dizkio guztira Kontratu Publikoei buruzko Foru Lege Proiektuari. Lege horren xedea Nafarroako legeria Europar Batasunaren arautegiari egokitzea da.

NBBren lehendakari José Ángel Agirrebengoak eta IBBren lehendakari Ramuntxo Camblongek pozez hartu dute gaur Pirinio Atlantiarretako Kontseilu Nagusiaren lehendakari Jean-Jacques Lasserrek egin duen iragarpena, zeren eta hark esan duenez, egungo trazatua hobetzearen aldeko apustua eginen baita, eta Pirinio mendietako alde biak bat eginen dituen autobia berria taxutzeari uko eginen baitzaio. "Gure iritzian, Nafarroaren onerako, UPNk berehala ekin beharko dio egungo N-135 errepidea hobetzeari, duela gutxi iragarri genuen proposamenarekin bat etorriz", adierazi du Agirrebengoak.

Nafarroako EAJ-PNVren exekutibak Sanyo-Tuterako langileekiko eta horien familiekiko bere elkartasuna adierazi du eta, aldi berean, larunbat honetan Tuteran deitu den manifestazio horrekin bat egiten duela eta bertan egongo dela iragarri du.

Jose Angel Agirrebengoa Napar Buru Batzarraren presidenteak "erabat" gaitzetsi du Dantxarinean dagoen "La Nuva" diskotekaren kontra burutu den erasoa eta bere elkartasuna adierazi die jabe eta Peio Martikorenaren familiakoei.

Josu Jon Imaz EAJren Euzkadi Buru Batzarraren lehendakariak Iruñan adierazi duenez "bai Kontzertu Ekonomikoak eta baita Hitzarmen Ekonomikoak ere, gure autogobernuaren ardatz nagusiak dira. Nafarroako hazkunde ekonomikoaren eta gizartearen ongizatearen oinarri dira eta juridikoki zein politikoki blindatu egin behar ditugu bai espainiar eremuan eta baita europar eremuan ere".

Euskara Kultur Elkargotik Nafarroako Gobernuaren Web Orria gaztelania hutsez izatea baimentzen duen epaia sakonki deitoratzen dugu. Euskara Nafarroako Foru Komunitateko berezko hizkuntza izan arren, nahiz eta Euskararen Foru Legeak euskararen babesa, garapena eta sustapena gizarte elkarbizitzarako alorretan onartu, eta Europako Kontseiluak Euskara Nafarroako komunikabideetan ikuspegi egitaratua garatzea  gomendatu arren (06/09/21), Nafarroako Auzitegi Goreneko Administrazio gaietarako Gelako epaileek Nafarroako Gobernuaren Web orria euskaraz ezartzea zilegia dela esan arren “halako erabakia Kontseilariari dagokio eta, horregatik, gaztelera hutsez jartzeko erabakiak ez du zuzenbidezko ordenamendua hausten”.

Astelehen honetan, Gure Etxean (Altsasun), Batzarramendi Elkarteak, Euskal Abertzaletasunaren Museoaren laguntzarekin, "Rio de la Plata Euskal artzainak" erakusketari emango dio hasiera. Erakusketa otsailaren 26-ra arte irekita izango da, astelehenetik ostiralera 19:00-tik 21:00-ra eta goizez ere asteburuetan (12:00-tik 14:00-ra)