“UPNren eta CDNren Adierazpen instituzionalak ez du lotsa demokratikorik erakusten, eta are, adierazpen horri kutsu totalitarioa dario, iraganeko kontuak zirela uste genuen jarrera eta jardunbideetatik oso hurbil dagoen kutsu totalitarioa alegia”, adierazi du burukide jeltzaleak.

Agirrebengoak agerian utzi nahi izan du Nafarroako eskuineko indarrek abiarazi duten elektoralismoa, egoera politikoaren anitz pieza lekuz aldatzen ari diren une honetan. “Sinestezina da Amejoramendua eraldatzeko eztabaida –Nafarroaren autogobernu maila hobetu nahi duena– lotarazten ari diren alderdiok, nafar guztion etorkizuna berek soil-soilik interpretatu eta erabaki nahi duten alderdi setatsu horiek, legitimitate bera duten beste alderdi politiko batzuek proiektu ezberdinak defendatu ahal izatea ezestea”.

Azkenik, José Ángel Agirrebengoak esan du “Adierazpen instituzional honek egungo Nafarroako Gobernuak lehenago irabazkinak eman izan dizkion politika egiteko modu bat lotzeko saio setatia erakusten duela, eta politika hori, gaur egun eta Nafarroan bereziki, zabuka dabil”.