Nafarroako Gobernuak ezetsi zuen Estella-Lizarra izendapen bikoitza erabiltzeko udalbatzaren erabakia. Udalak errekurtsoa aurkeztu zuen, UPNk ezik, gainerako alderdi guztiek babestuta, eta orain Nafarroako Auzitegi Gorenak arrazoia eman dio udalari. 

Alderdi Jeltzaleak Miguel Sanz buru duen Gobernuari eskatu dio “gutxiago hitz egin, eta euskara babestu, sustatu eta erabiltzearen aldeko benetako politika egin dezan”. 

Inguramendu honetan, Lizarrako EAJ-PNVko Ricardo Gómez de Segura zinegotzia pozik agertu da: “Nik beti esan dut izen elebidunak sentsibilitate guztiak bateratu nahi dituela, baina Nafarroako Gobernuaren jarrera baztertzailea eta bateratzearen kontrakoa izan da. Estellari Estella-Lizarra izena hartzeko aukera ukatzea gure hiriaren nortasunaren eta pluraltasunaren kontra joatea da”.