Errepublikanoen Gobernuaren aurka izandako estatu-kolpearen 70. urteurrenarekin bat eginda, Nafarroako EAJ-PNVk altxamendu hura gaitzesteko mozioak aurkeztuko ditu hainbat udaletan.

Josu Ortuondo EAJren eurodiputatuak esan duen bezala, "pozten naiz Europako Parlamentuaren Mahaiak erabaki hori hartu duela jakinda, azkenean, eta Presidenteen Konferentziak hala eskatuta, euskara, galiziera eta katalana Europako Parlamentuan erabili ahal izatea onetsi baitu, herritarrei zuzendutako jakinarazpenei dagokienez. Horrela, milaka euskaldun, galiziar eta katalan beren hizkuntzan zuzendu ahal izango zaizkio Europako Parlamentuari. Horri esker, herritarrek gertuago sentituko dute Europa eta horren mamia eta hondoa aniztasunean elkartuak egotea dela frogatzen da”.

NBB-ko lehendakari den Jose Angel Agirrebengoa pozik agertu da Gobernuak ETArekiko elkarrizketen hasieraren gainean adierazitakoagatik, “positibotzat jotzen dugun urratsa, eta gure ustez, aspaldi eman behar izan zena.”

Euzko Alderdi Jeltzaleak esan du atseginez jaso duela Auzitegi Gorenaren erabakia, Nafarroako Gobernuak euskararen erabilerari buruz ezarri zuen arautegiari berriro ere zartada ederra eman diona. Euskarari buruzko Foru Legearen espiritua betetzen saia daitezela eskatu diote jeltzaleek Nafarroako Foru Gobernuari, eta ez dezala behin eta berriz inoiz ere arazorik izan ez den tokian arazoak eragiten saiatzen jardun.

CDNk alkateari bidali dion eskutitzari dagokionez, Iruñako EAJ-PNVk espero du Yolanda Barcinak “ez duela CDNren proposamen onartezina onartuko” eta uztailaren seiko txupinazoa, kasu honetan, Aralar talde politikoaren esku utziko dela.

“La Voz de Navarra” NBBaren informazio-aldizkariak, ekaineko alean, ondoko gaiak jorratu ditu: su-etenaren osteko egoera politikoa, bake prozesua eta UPN eta CDN alderdiek osatzen duten Nafarroako Gobernuaren jarrera Foru Komunitatea blindatzeko eta alderdi nazionalistak Gobernura ez heltzeko.

NBBren lehendakaria den José Ángel Agirrebengoak begi onez ikusten ditu nafarrometroaren datuak; horren arabera, “Nafarroa Bai Nafarroako hirugarren indar politikoa da, Nafarroako Alderdi Sozialistatik bi puntu eskasera”. Halaber, esan du inkesta bete dutenetatik gehienek Nafarroa Baik PSN eta EBrekin egin duen koalizioa hautatu dutela lehen gobernu-aukera gisa.